تواصل معنا عبر ..



 



 
أدوات الموضوع انواع عرض الموضوع
Prev المشاركة السابقة   المشاركة التالية Next
  #1  
قديم 09-04-2012, 10:35 AM
الصورة الرمزية احتيـــاج
احتيـــاج احتيـــاج غير متواجد حالياً
عضو هام
 
تاريخ التسجيل: Aug 2012
المشاركات: 2,055
قوة السمعة: 15
احتيـــاج will become famous soon enoughاحتيـــاج will become famous soon enough
10 قصيدة المعلمه الكويتيه ساره ...

هذي قصيدة المعلمه الكويتيه اسمهاا ساره
في احدى مدارس الكويت شافت حبيبها جاي يسجل بنته ..

يانوره بالله اسمعي لاتصدين
يابنت حرن مركزه بالصداره

شي جرالي قسم القلب قسمين
وابلا ملامه افهمي للعبارة

باول دوام المدرسه يوم الأثنين
معلمه في وجه باب الأداره

وقفت باللجنه على سادس اثنين
مثل المجند ينتظر للأشاره

هاذي تنادي وهاذي ابله انا وين
زحمه وتو اليوم بأول نهاره

اصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي اسمه بنقش السواره

اختي عن اذنش ناقل البنت هالحين
تفضلي الأوراق والأستماره

عجزت لا اجاوب ولا ارمش العين
طول سكوتي وهو طال انتظاره

حسيت ان الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزياره

ويلي على لاماك ويلاه ياحسين
يامن يجمعنا واسوق البشاره

ساره وسكت له لحظه كنها سنين
واقفا واشوفه يوم شب الزقاره

********

رد حبيبها حسين على قصيدة معشوقته ساره ...

يامرحبا ياغايتي ياهلا وين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

أنا سمعت أن أكبر عيالك حسين
وأنتي إكيد انك سمعتي ب ساره

********
وهذا رد معلم سعودي من اهل الزلفي
المعلم رائد المشاري يدرس في المجمعه ..

ياحسين تدري ليه ابكي من البين
وقلبي كسير وزاد فيه انكساره

ذكرتني ياحسين ياحسين ياحسين
بالغالي اللي له بقلبي وقاره

علمي بهم ياحسين اربع وتسعين
وهالحين ماادري وين صارت دياره

قفّت من الخفجي ولاادري على وين
وانا نقلت الجوف وعيني لداره

ياحسين حبه ساطين بالشرايين
وعساي اشوفه مثل ماشفت ساره

^ طويله بس اليمه ..
^ يارب يجمع كل حبيب وحبيبته في الحلال
رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تحميل كتاب دليل المعلمه مادة الحديث الصف السادس الفصل الاول 1433هـ 1434 سمو المشاعر مجلس الابتدائي 103 12-13-2015 05:23 PM
دليل المعلمه حديث ثالث متوسط سمو المشاعر مجلس المتوسط 17 09-10-2013 02:19 PM
قصيدة عتاب عبدالعزيز الشراري مجلس الشعر والادب 5 12-09-2012 09:17 AM
بشرى ساره لجميع حبايبنا في منتدى غطى ولزوارها الكرام ! ! ! ملكة الليل غطي الاسلامي 14 11-06-2012 03:15 AM
ساره بنت عبدالله ترعى حفل المتفوقات بتعليم القريات عصر غد الاربعاء برق غطي مجلس منطقة الجوف 2 04-15-2012 12:21 AM