المساعد الشخصي الرقمي

مشاهدة النسخة كاملة : صورة مريم العذرى


الفيلسوف
02-16-2012, 07:12 AM
http://www.alfaris.net/up/80/alfaris_net_1329365304.gif (http://www.alfaris.net/up/80/alfaris_net_1329365304.gif)
قصيدة جميلة أعجبتني وأحببت أن تستمتعوا بها معي!
للشاعر عبدالخالق صياح الشراري
صورة مريم العذرى
.....................

من ذهب اخترت صورة مريم العذرى هدية

رمز متواضع قليل بحق شي تستاهلينه

قولي بالله وش تغير وين ذيك العاطفية

وانا نفس الي ابيك وهذا انا الي انتي تبينه

هذا انا وانتي هو انتي نفس انا وهذي يديه

وهذا صدر الي يضمك حضن دمعتك الحزينه

من تفتحتي نديه صارت الوانك زهية

رحت اغرسك وسط قلبي بين صرخات الغبينه

وردتي يانرجسيه غافيه في مزهريه

ازكى من ورده زكية والطف من الياسمينه

دانية يا زيزفون في حدائق بابليه

هجرت الطير لبلادك سر ماهم عارفينه

لامتاحف اثرية او مناظر زخرفيه

انتي مجموعة مناظر انتي معلم هالمدينه

المواقع بائسه والارض من جيتي بهية

وابسط الاشياء في ارضك من سكنتيها ثمينه

كانت بعين المداين مظلمه وارض(ن) خليه

كل شي اسود بعيني واستوى شينه وزينه

المناظر باهته والسوق عرضه شفت زييه

الوجيه الشاهبه وقلوب مليانه ضغينه

البلد هو البلد نفس الشوارع نفس حييه

نفس كشكات الرصيف ونفس ناس ساكينه
كم تعثر هالندى عبر الخطوط الهاتفيه

ملت الساعه تعد تعبت اصفار الكبينه

كنت ضايع في دهاليس الزمن روحه وجييه

لاعلى الصحراء دليل ولا على الميناء سفينه

وبعد ماحل الظلام وكل درب تاهـ بييه

الامل حلم وتبدد بالتأمل والسكينه

بس جيتي عاد حلمي والامل عاود بضييه

انولدت من العدم والقلب عاود حنينه

عادت ايام الطفوله والشباب العنجهيه

والزمان الي بيكسر ابا كسر سنينه

من لقيتك لو وقف هالكون يمشي الله لايهينه

والله ان الله خلق حزن هالعين الشقيه

والله ان الله عطاني سر مابيني وبينه

لو صبغت بمي حبه الصحاري الجرهديه

والله ان الشوك غصنه يثمر بخوخه وتينه

ماسك الدر الثمين عطف من رب البريه

هبة الخالق لمن دعوا له والدينه

طافت الابراج تسأل من بخت ذيك الصبيه

وبرجها المسكين فيها الابراج مستهينه

الدلو والحوت والميزان والتسع البقيه

كلهم عن عالم الابراج برجه مبعدينه

واستحلت برجه العقرب بعد موت القضية

وبعد مولد صاحب البرج قالت الابراج وينه

ادعوا في غيب الافلاك وارجعوا للجاهليه

كل عراف زعم يكشف اسرار(ن) دفينه

كاهن التنجيم يقطع بالحروف الابجديه

يرسم أباجاد خطــ ويضرب الرمل بيمينه

ماتبن له دليل بالعقد بالشعوذيه

لاولا حتى الخرز ولاعلامات بيدينه

قالوا يجوز الغلط باسمه او اسم امه او خييه

او زعيم الجن الاكبر . عبد في خدمة قرينه

قالوا حتى داخل البلور مابين سميه

أصلن البلور وجهه وكل الابراج بجبينه

لو نظرتو بس وجهه كان حلت هالقضيه

كان شفتوا عالم الافلاك كله وسط عينه

لي عيون جذبت قانون حتى الجاذبيه

فوق مالدنيا معاها والبخت عذرى حسينه

بردها والملبس الرف ماقتل حلم السجيه

والفقر مهما تمادى ماخذ من الزين زينه

دون قصد ودون معنى كانت الطفله بريه

داست قلوب(ن) تدوس هزت عقول(ن) رزينه

محد يراهن عليها يخاف يكون الرهينه


http://www.alfaris.net/up/80/alfaris_net_1329364851.gif (http://www.alfaris.net/up/80/alfaris_net_1329364851.gif)

المخاوي
02-17-2012, 02:02 PM
الشاعر عبدالخالق صياح شاعر مميز
وشكرا لك على النقل

برق غطي
02-17-2012, 02:27 PM
شاعر كبير واستمتعنا بقصيدته

شكراً لكـ اخي الفيلسووف في طرح المتميز والمبد ع

دمت بود

الاعيلي
02-17-2012, 03:29 PM
صح لسان الشاعر
مشكور اخوي على الطرح