المساعد الشخصي الرقمي

مشاهدة النسخة كاملة : لآ يفوتكـم رقص آلحريم في آلزوآجآت <= ههههههههههههههههه


الارواح
06-10-2012, 07:26 PM
http://up.arab-x.com/Apr11/T3O96781.gif



مرحبااااااااا..
حيا الله البنوتات الحلوات الامورات الموظفات منكم والأمهات ..........


الحريم في الزواجات حدث ولا حرج وبالذات اذا جت حزة الرقص


منهم من تثير الشقفة اقصد الشفقه... ومنهم من ترسم علامات التعجب فوق راسك<<ما تدرين ترقص ولا تخض لبن..
*ومنهن من تجعلكي ترددين ( الحمد لله على نعمة العقل ) من ان تضع قدميها الكريمتينعالمنصة الى ان تنهي وصلتها الاستعراضية
<<انا مدري الوحدة منهم تفقد عقلها اذا سمعت الطق ( الله اعلم)..





وحده: تنفض شعرها بطريقة الفريرة تقولون داخلته حشرة تبي تطلعها..



والثانيه: تحرك يديها بطريقة لولبية كوكبية متوازية الاضلاع كنها تخبز تميس..



والثالثه: تطامر يمين ويسار كسرت ارقاب الاوادم من كثر ما يتلفتون..



والرابعة: تترنح على انغام البوب بطريقة هستيرية كنها صرصور باخين عليه بف باف..




والخامسه: تتهزهز تقولون ماسكها كهرب 220 فولت..




والسادسه: تصفق بيديها من تبدا الى تنتهي ما تدرون تصفق لنفسها ولا للحضور..





والسابعه: ترقص جنب الطقاقات وتخش في وجيههم عشان يزينون لها الطق والطقاقات ودهم يصكونها بالطيران..








والثامنه : تسوي حركات تشكين في قدراتها السيكولوجية والفسيولوجية والامبريالية..



-->مرة حضرت انا وبنات خالتي زواج (فديتهم)
قامت وحدة ترقص والله العظيم اني احسبها متخلفة عقليا


بنات خالتي تسدحوا من الضحك!!!! انا بصراحة رحمتها وقلت لهم وجع استغفروا البنت معوقة الله يشفيها.... بعد ما خلصت من الرقص وراحت السكرة وجت الفكرة اكتشفت انها بكااااااااامل


قواها العقلية الا بعد اصحى مني ( شوفوا يا اوادم شوفوا لك الحمد ربي والعواذل كثيرو)



-->وانا ما يبط كبدي من ذا الحريم الا اللي تكون لابسه برقع ( تدق التسريحة والمكياج والفستان
المشخلع والمخلوع بابه وتلبس برقع) وشلون تجتمع مااااااااا أدريواذا طلبوا لها اغنية تجيكم طااااااااايرة من اخر القاعة ( جاكم الاعصار ما شين يعيقه )


واذا وصلت المنصة تمسك البرقع باقوى ما عندها ثم تررررررررميه على الواقفات عالمنصة


والشاطرة تمسكة عاد..


واذا خلصت وعينت من الله خير قامت تدور برقعها مثل المسعووووورة لانها من الحماس ما تدري وين اراضيه واذا لقته كنها لالالالالاقيه كنز على طووووول تحطه على خشتها ما تبي


احد يشوفها ( طيب يا ماما طول الوقت وانتي كاشفة الكبوت ) صدق عقليات



-->واللي يبط تسبدتي اكثر واكثر اللي ترقص بولدها ( يالييييييييل عليك يا ام خماس الساااااااري)


ياشين ام الشباب لا تمايلت ..


واذا قام البزر يصيح تنزله وتكمل رقص والبزر ياعمري يتعلق في فستانها الارجواني


ويجرجر فيه يجرجر فيه وهو يشاهق من الصياح ..


تحسبونها توقف لالالالالا إلا اكمل الرقصة ان شاء الله يموت من الصياح اجل اخلي فلانه الي


طلبت لي الاغنية عشان هالعله لالالالالالا وألف لالالالالالا..



-->وما يضحكني الا اللي تدخل اسمها في الاغنية واسم العيلة وعيلة العيلة ( ياشين السرج عَ البعارين)...




"والاغاني المستخدمة لهاذا الغرض تنقسم الى قسمين:




*مدح مباشر مثل :
--ياصايغين الذهب عطوا الذهب فلانه ... ادعسسسسسس




--ردوا سلامي على الفلاينه اللي ما يهابونه .... ياولد




--فلانه كل الحلا فيها احترت انا مدري وش اسميها ..... لا تحتار الله يرضى عليك بهيمه ما يحتاج..



--فلانه غزال صادها القناص...... ياحلالااه يا حماية الحياة الفطرية أي والله ..




*والقسم الثاني مدح غير مباشر:



--الله يازين اللي حضرت غطت على كل الحضور..... بالعدال ياديانا سبنسر..
( بس هالاغنية قديمة حيييييييل)...........


--وقولوا بسم الله على غزالن طب قولوا بسم الله (هاذي عاد ضاربة في القدم) بس الا الان
متداولة للاسف على كثر الاغاني ضااااااااااقت ياسبحان الخالق..


--نورت ياحلاها شمس الاقبالي والعذارى شموعن من حواليها( هاذي عاد من تحت الانقاااااض).....



ياقدم الأغاني قديمك نديمك ولو القديد اغناك..

:D
http://gutti2012.com/images/smilies/rofl.gif

الاعيلي
06-10-2012, 07:41 PM
مشكور اخوي على ماقدمت
تقبل مروري

سمو المشاعر
06-10-2012, 07:51 PM
هههههههههههههههه

صدق بعضهن يطبها الهبال

الارواح
06-10-2012, 07:55 PM
الاعيلي
سموو المشااعر ههههههههه وش تووقع اهبااال ملكة الليل

لكم مني التحيه والتقدير

عبدالعزيز الشراري
06-10-2012, 08:09 PM
الله يستر عليهن ومنهن
ياكثر الهبال عندهن
والمصيبة كبيرة السن لنهبلت مابها حيلة غير لو تشد العاقل بيها
يعطيك العافية الارواح
تقبل مروري

ملكة الليل
06-11-2012, 01:42 AM
ههههههههههههه
شو هيدا الارواح قسم مت ضحك
حمد الله ياربي مارقص بالاعراس بس عند اهلي
هههههههههههه اوما اللي ترقص والخامسه: تتهزهز تقولون ماسكها كهرب 220 فولت..
صدقت ياكثرهن
يسعد قلبك يارب قسم مت ضحك وانا اقرا
سلمت اناملك

المخاوي
06-11-2012, 11:37 AM
هههههههههههههه

يعطيك العافيه